Potenciar a economía 5G

O Plan Galicia 5G persegue articular dende a Xunta de Galicia unha proposta coherente e complementaria cos marcos estratéxicos xa existentes para impulsar o desenvolvemento das redes e servizos 5G na nosa comunidade, dadas as perspectivas actuais da súa relevancia na transformación dixital da próxima década.

O desenvolvemento do Plan Galicia 5G, permite potenciar a economía mediante medidas de estímulo, formación especializada, potenciación da comercialización e demanda de solucións 5G por parte da Xunta de Galicia.

As probas de concepto de 4G/5G promovidas pola Xunta de Galicia serán o punto de partida para a especialización do hipersector TIC galego no campo das 5G, pero para consolidar o impulso inicial é necesario combinar un conxunto de medidas que conformen unha política de actuación máis ampla:

• Estímulo do emprendimento 5G.
• Formación Especializada 5G.
• Eventuais liñas futuras de financiamento.
• Promoción dentro da Administración de servizos e solucións 5G.